Ostana es un pichòt vilatge occitan ai pè dal Vísol.
Un’irresitibla vuelha de renaissensa caracterisa aqueste borg occitan de l’auta val Pò. Sobretot d’istat, mas decò d’uvèrn, quora lo solelh resplend sal blanc mantèl de la neu, aicí se passon divèrsas iniciativas culturalas: fèstas païsanas, danças e chants populars abo de sonadors espontàneus, congrès d’alpinistas, cuecha dal pan, activitats al musèu etnogràfic, jornaas de trabalh per lo manteniment dal territòri (ruida).
Festejar es un’ocasion per istar ensem, una bòna oportunitat per trabalhar ensem, discúter aquilhi projècts qu’encoratjon lo retorn e dorar lo benvengut a qui vòl s’establir aicí, magara just per tornar descuèrber lo sens de la vita.
Saboratz la cultura d’Ostana e son ofèrta torística!
